Rotwiiss isch au in de Halle s «Mass aller Dinge»

Sowohl d Dame wi au d Herre vom HC Rotwiiss sind Schwiizer Hallemeischter worde. Wettige blibt im Schwiizer Hallehockey de dominant Verei.
Bi de Hockeydame het Rotwiiss de Halbfinal gege d Black Boys Genf klar mit 9:0 chönne für sich entscheide und isch dann im Final uf de gliich Gegner gstosse wi im Vorjohr: De Luzerner SC. D Luzernerinne hend oisi Dame gfordered, aber ni würkli in d Gfahr brochd, de Match z verliire. Alleige scho mit de Routine vo de Mannschaft und ere glänzend spilende Stephanie Wälti, wo hinterher als beschte Spilerin vom Turniir und Topscorerin vo de Meischterschaft uszeichned worde isch, hend d Dame nach em 3:1 ihre Vorjahrestitel chönne verteidige.
D Herre hend im Halbfinal gege de Basler HC meh Müeh und sich knapp chönne durchsetze. De Final gege de Grasshoppersclub Züri isch umkämpft gsi. Danke eme Tor in de letschte Sekunde het Rotwiis zum Schluss d Nase vorne gha und mit eme 3:2-Siig d Schwiizermeischterschaft chönne günne.