Ökumenischer Gottesdienscht für d Einheit vo de Chrischte

Sit em 1968 gits d Gebetswoche zu de Einheit vo de Chrischte, wo immer im Januar stattfind. Z Wettige wird dazu traditionell en ökumenische Gottesdienscht gfiired, so au i dem Johr. Am Sunntig isch es so wiit.
D Gebtswoche wird sit 50 Johr gmeinsam vom päpschtliche Rot zur Förderig vo de Einheit vo de Chrischte und vo de Kommission Glaube und Chileverfassig vom Ökumenische Rot vo de Chilene vorbereitet. Konkret passiirt das immer in eme bstimmte Land, fürs 2018 sind das d Bahamas gsi.
Sit vile, vile Johr fiired z Wettige di römisch-katholisch, di evangelisch-reformiirt und di chrischtkatholisch Chile de Gottesdienscht zu de Einheit vo de Chrischte zämme. Am Sunntig, 14. Januar 2018 um Halbizähni in de Chile St. Anton* werded d Pfärrer Lutz Fischer-Lamprecht (ref.) und Wolfgang Kunicki (christkath.) und de römisch-katholisch Paschtoralassistent i.A. Mario Stöckli mit de Gläubige vo allne drü Landeschilene de Gottesdienscht gmeinsam nach de Liturgii, wo uf de Bahamas gschribe worde isch, de Gottesdienscht fiire.

*in de reformiirte Biilag im reformiert. und de Aazeig i de Limmatwelle stoht einisch, de Gottesdienscht sig in de reformiirte Chile. Das isch en Fehler, de Gottesdienscht find am Sunntig im St. Anton statt.