D Chilegmeind het de noi Bus mit de Sponsore gfiired

Scho im April het di reformiert Chile Wettige-Noiehof de noi Chilebus chönne in Empfang neh. Ermögliched worde isch er vo zahlrichi Firmene durch Werbig uf em Fahrzüüg.
«Es ischmindescht oise viirte Bus», het de Pfarrer Lutz Fischer-Lamprecht, Medieverantwortlicher vo de Chilegmeind, bim Sponsoreapéro gsaid, «aber so genau hend mir das gar ned chönne usefinde, vilicht isch es au scho de föift.» Gmeinsam mit de Sponsore isch am Mentig, 3. Juni 2019 d Übernahm vom noie Bus gfiired worde. «Öppe all föif bis sächs Johr übechunnd d Chilegmeind vo de Firma Fortuna Sportwerbung es Fahrzüüg», so de Fischer-Lamprecht witer. Iigsetzt wird es bsunders i de Seniorenarbet und im Beriich Chind und Jugendlichi.
De noi Ford Custom, wi au s Vorgängermodell en 9-Plätzer, isch bi Usflüg unterwägs, begleited s Chuchiteam ins Sommerlager vo de 1.-5.-Klässler und isch au für de Materialtransport gäbig, wil me d Sitz relativ eifach cha usbaue.
Finanzird worde isch de Chilebus der Kirchenbus durch zahlrichi Sponsore, vo dene Werbig uf em Fahrzüg z gseh isch. Di meischte sind us de Region, davo 13 us Wettige, drü us Noiehof, je eine us Bade und Würelos und eine us Vaduz. Im einzelne sind es d Firmene Giuliani AG, Willi Egloff AG, Würmli Haustechnik AG, Fuess Bar, Druckerei Mittner, Sprach-Art, Grillin me softly, Regionalwerke AG Baden, Frick-Keramik AG, Z’graggen Gartenbau, Onkel Tom Brocki AG, Physioflex AG, Meister Kälte + Klima, ELINAG Elektroinstallationen, Burkhalter Wettingen, Tex Mex Restaurant, Schiebler Wärmetechnik GmbH, GMB Autocenter Ramadani und d Benuva Stiftung. Allne aawesende Firmeverträter isch bi dere offizielle Dankesfiir durch d Margrit Wahrstätter, Präsidentin vo de Chilepfläg, en Urkund überreichd worde.