Unter em Motto «Urban Sketchers@Work» findet vom 31. Auguscht bis zum 28. September 2025 die nöchsti «Urban-Sketcher»-Ustellig im Gluri-Suter-Huus statt. In dem Zämehang cha jetzt jede wo Lust hed au en Teil vo dere Ustellig werde.
Am Samschtig, 5. Juli 2025, ab de halbi Zwoi am Namittag treffed sech d Aargauer Urban Sketchers und dere wo das no werdet, bem Bahnhofsplatz z Wettige, um den zäme go «Sketch Crawl».
De Claudio Affolter, Kunst- und Architekturhistoriker, führt vom Bahnhof zom Limmatknie und verzält über Industriekulturgüeter, wo am Weg send. Im Aaschluss esch individuells Zeichne aagsait med eme gmeinsame Abschluss und Zeichnigsuslag. Werk für d Usstellig chönd denn au grad abgäh werde.
Mitnäh söttet die Interessiert ihres Zeichnigszüg und gueti Schueh.
Meh Infos findet Ihr uf dere Huus-Sitte: https://glurisuterhuus.ch/ausstellung/usk-at-work-fantoche-special/
In dem Sinn: “Urban Sketcher vo dere Welt, vereinigt euch!” – und zeiged, was für Euch Arbeit esch!!