Schuelpfläg het sich konstituiirt

Bi de Wahle im September 2017 isch au di noi, verchliinerti Schuelpfläg gwählt worde. Di föif Mitglider, wo alli scho bisher in de Schuelpfläg si gsi, hend d Ressort noi verteild.

Durch d Verchlinerig vo de Schuelpfläg vo sibe uf föif Mitglider, durch di d SP und EVP ihre Sitz verlore hend, isch en noie Zueschnitt vo de Ressorts notwendig worde. Im eme halbtägige Workshop het Schuelpfläg si berote. De noi Präsident vo de Schuelpfläg isch au de alt, de parteilos Thomas Sigrist. Au de Vizepräsident isch de bisherig. De Stefan Spiess (CVP) het zudem s Ressort Laufbahn Schüelerinnen und Schüeler. D Judith Gähler (FDP) leitet s Ressort Qualität und Schuelentwicklig, de Marcel Aebi (CVP) Infrastruktur und Finanze, d Désirée Mollet (FDP) Personal und Eltere.