De noie Chreiselschmuck hilft Choschte spare

Uf de Huus-Site vo de Gmeind esch neu e Bauiigab ufgschalte. De ältischt Chreisel vom Kanton söll erneuered werde, was ned alli freud.

Spätestens sit de Ablehnig vom Budget 2020 bi de Abstimmig im Februar sind d Usgabe vo de Gmeind unter bsundere Beobachtig. So esch es jetzt au bi de Erneuerig vom Chreiselschmuck, zu dem im Momänt d Bauiigab ufligd. Für 10’000.- Franke sell de Chreiselschmuck erneuered werde. Wi s Badener Tagblatt hüt schriibd, het d Bauiigab bsunders uf Facebook Diskussione usglöst.

Mir hend de Medieverantwortlich, de Gmeindschriiber Urs Blickenstorfer gfröged, warum d Gmeind, trotz Budget-Nei, Usgabe tätiged, wo veeli Lüt für unnötig halted, wie eusi Umfrog bestätiged. Bisher esch de Chreisel mit Rosestöck und Rase bewachse. D Pfläg isch ufwendig und choscht d Gmeind öppe 20’000.- Franke im Johr. Für de noii Chreiselschmuck sig de Unterhalt ned emol halb so höch, heisst us em Rothuus.

Wil lut Bauiigab d Erneuerig numme 10’000.- Franke choschted, ged das sogar en Spareffekt und Wettige hed trotz Absag vo de Atmosphäre, e Erinnerung as 975 Johr Jubiläum.