Ab em Mittwuch, 3. Juni 2020 öffnet d’Ludothek wieder ihri Türe.
Under Ihaltig vo dä Corona-Schutzmassnahme aber no mit reduzierte Öffnigsziite (mittwuchs vo 14-17 Uhr und samschtigs vo 10-12 Uhr isch d Ludothek wider offe. I dä Summerferie dänn wie üblich mittwuchs vo 14 – 19 Uhr) ischs Ludi-Team wieder parat.
Wärdet Spiili usgliehe, sind sie vorher mindestens drü Täg in Quarantäne gsi und somit lut Schutzvorgabe wieder virefrei.
Herzliche Dank am Komitee vom 975Johr-Wettiger-Jubiläum für dä Atmosphäre-Bauwage, wo als Quarantäne-Rum dörf gnutzt werde.
Vile Dank au dä Gmeind Wettige für dä Stellplatz vor dä Ludi.
Die turbulenti Ziit bringt einigi Ischränkige mit sich, es Dangeschön gilt drum au dä Chunde für s Verständnis.
Währet äm Lockdown händ d’Ludifraue vill Spielsache gföttelet. Uf dä Homepage cha mä jetzt scho dähei chli luege, was eim würd Freud mache. Au bi dä Gsellschafts-Spiel gits ä Neuerig. Sie sind nüme noch Alter sondern noch Spiel-Kategorie gordnet. Mä findet so schnäller es Spiel wo eim grad gluschtet oder Sinn macht (Erschts Spiele/Gschicklichkeit/Glück/Action/Wüsse/Gedächtnis/Kreativ/Strategie/Kooperativ/Escape/Solo/Zu Zweit)
Also los gohts, ab is Spielparadies……
S’ Ludi-Team freut sich uf zahlriichi, spielfreudigi Bsuecher.