Wenn mer in letschte Ziit ame Samschtig-, Sonntig- und au Mändig-Morge uf bekannte Weg gloffe esch, zum Biispiel im Tägi über d Bahn-Passrarelle oder bem Tägipark, vis a vie bem Bahnübergang und au a veelen andere Ort wos Bänkli hed, wo sech die Jungendliche treffed, hed mer fast jedes mol en riise Berg vo Abfall chönne ahtreffe.
Obwohls a de meiste Ort sogar Chübel hätti, treffed die Nachtmensche schiinbar de nümme! so bliibt de ganzi Güssel eifach legge am Ort wo’s grad bequem esch!
So händ mer erfahre, dass be de Arwo-Bänkli de Abfall eifach lege lo werd, so esch de Ort früehner oder spötter au kein Ort meh wo die Jugendliche möchtet bliibe. (esch das e Lösig?)
Gmäss Kanton Aargau, belaufed sech d Choste, für die ca. 12’000 bis 13’000 Mehrstunde im Johr, uf fast e Million Franke! Schwiitzwitt belaufed sech die Choste sogar uf ca. 150Mio. Franke !!
Ned nume d Arbeiter vo de Gmeind und vom Kanton händ en Mehrufwand, au d Nutztier send starck devo betroffen, so zum Biispiel werded weggworfni Aludose, Kartonverpackige und alles andere, bem nächste Meihe vo de Wiese so verchlinered, dass es nochher vo de Nutztier gfresse werd und zu tödlich Verletzige cha führe! Au de Ufwand vo Landwirt und je nach dem vo Tierärzt gönd is unermessliche.
Uf de Huus-Sitte vom Kanton findet Ihr dezu no veel meh Informatione.
Zusätzlich werded in letscher Zitt au vermehrt Hygienemaske und Eiweghändsche eifach so vo de Trägerinne und Träger achtos weggworfe, grad wo die Persone sech ufhaltet….! Das send vorallem Erwachseni Lütt! Bitte werfed doch die Wahr i de nächsti Güsselchübel, send Vorbild für die andere=;O)