«Das Zelt» wird zum Fernsehstudio

Sind ihr au scho an de Zirkuswise vorbi cho und hend oich gfröged, warum dete s Zält ufbaud wird? De Grund isch e Fernsehsendig.

In Zite vo Corona muess au es Fernsehstudio coronakonform si. Um das für d Sendig «Wir sagen Danke», wo am 14. Juni um Virtelabachti uf TV24 usgstrahlt wird, z gwährleischte, isch «Das Zelt» a de Halbartestrass ufbaud worde. S Publikum wird per Videostreams in d Sendig integriert werde.

Zu de Stars vo de Sendig ghöred d Christa Rigozzi, de Philipp Fankhauser, de Florian Ast, Heimweh und de Luca Hänni. Si alli säged Danke an «Mitarbeiter vo de Kasse vo Supermärkt und Bäckereie, Apotheke, Ärzt und Pflegendi, Buschauffeure, Zugbegleiter und vieli meh, wo mit hüfigem Kontakt zu Mensche“ schaffed.