Fäschtbändel chönnd jetzt retour geh werde

S OK vo de «Atmosphäre – 975 Jahre Wettingen» het bekannt geh, wi es mit de Fäschtbändel witergoht. Es isch en erschte wichtige Schritt bim «gordnete Rückzug».
Am 1. Mai 2020 hets OK vom Jubiläumsfäscht d Absag vom Aalass bekannt geh. Au e Verschiebig chunnd us verschidnige Gründ ned in Frog.
S OK muess jetzt de Verein abwickle und dodebi chönnd di, wo scho Fäschtbändeli chaufd hend, di wider zruck geh. Si müend aber ned…
Konkret schriibd s OK in de Mediemitteilig vo drü Möglichkeite:

  1. Du bhaltsch s «Bändeli» als Erinnerig und unterstützisch dodemit di Vorbereitigsarbeite, wo de Verein 975 Johr Wettige scho gleischtetd het.
  2. Du unterstützisch de Verein, bi dem s Bändeli chaufd hesch, und gibsch s Bändeli retour, ohni e Gäldforderig z stelle. De jewilig Verein cha uf di Art und Wiis di 33.- Franke Iichaufspriis bim OK vom Gsamtfäscht geltend mache und so en Teil vo de Unkoschte, wo scho aagfalle sind, usgliiche.
  3. Du wotsch dis Gäld zruck, also en Uszahlig für dis Bändeli. Dann bechunsch vo dim Verein oder de Gmeind für en Fäschtpass 33.- Franke, für d Atmosphäre-Box 90.- Franke und für de Gönnerpass au 90.- Franke.