D «Atmosphäre – 975 Jahr Wettige» cha definitv ned stattfinde

De Entscheid vom Bundesrat, uf den s OK vo de «Atmosphäre» gwartet het, isch hüt gfällt worde. Bis Ändi August blibed alli Grossveraastaltige verbote.
Wi s BAG inere Mediemitteilig hüt, 29. April 2020, bekannt geh het, blibed Grossveraastaltige mit meh wi 1000 Lüt verbote. Mit dem Entscheid wot de Bundesrat vor allem Planigssicherheit schaffe. S Übertragigsrisiko sig bi settige Veraastaltige bsunders höch und d Rückverfolgig vonere Aasteckig ned mögli. Au d Hygienemassnahme und d Abstandsregle cha meischt ned iighalte werde. Dodemit isch di Klarheit gschaffe, uf di s OK gwartet het.
Abzwarte blibt jetzt, ob d «Atmosphäre» ganz abgsaid oder ufs nächschti Jahr verschobe wird und bi ersterem, wer wivil Gäld retour bechund. So hend doch d Verein scho Standgebühre zahlt, d Sponsore ihre Biitrag und vili Lüt schon Fäschtbändeli poschtet.