Di beide Pfarreie St. Sebastian und St. Anton z Wettige und St. Maria Würelos bechömmed zämme zwöi noii Seelsorger. Einer started am 1. Juli, de ander am 15. August.
Personell sind di beide Pfarreie scho sit Mönet unterbsetzt. Mit em Markus Heil als Pfarreileiter ad interim, wo am 1. Februar 2020 sini Stell aaträte het, het sich d Situation es bizeli entspannt gha. Demnächscht bechunnd s Seelsorgeteam Verstärkig.
Für de preisterliche Dienscht schickt s zueständig Bistum Basel de Joseph Kalamba. Im Horizonte, de römisch-katholische Pfarrblatt, wird er als offnige, fröhliche und reflektiirte Priester beschribe, wo d Schiiz scho sehr guet kennd. Er wird sini Stell am 15. August aaträte. Scho am 1. Juli chunnd de Marcel Mehlem, wo us em Erzbistum Köln ins Limmattal wächsled.