Sit geschter, Fritig, 17. April 2020 gilt im ganze Kanton Aargau d Gfahrestuefe 4 für Waldbränd. S Füüre im und am Wald isch dodemit verbote!
Sit einige Woche het es nüm rächt grägned, so dass d Böde uströchned sind. De Waldbrand vom Karfritig het das dütlich vor Auge gführt. De Kanton het d Gfahrestuef denn uf 3 erhöht und sit geschter uf Gfahrestuef 4. Das heisst, dass s Füüre im Wald und mit Abstand vo 50 Meter vom Waldrand verbote isch. Das Verbot gilt au für fäscht inschtalierti Füürstelle, Picknickplätz und Waldhütte.
Au usserhalb vo de Wälder sind folgendi Massnamhe strikt iizhalte, schriibd de Kanton:
- Brönnendi Raucherware (Zigis und so) und Zündhölzli dörfed ned uf de Bode grührt werde.
- Bi starkem Wind sell me wegem Funkeflug ned im Freien füüre.
- Füür immer beufsichtige.
- E Füürstell erscht verloh, wenn s Füür sicher glöscht isch.