Am Donnschtig, 16. April 2020 am Abig isch d Füürwehr wegeme Brand ins Chloschterquartier gruefe worde. Au Polizei und Ambulanz sind im Iisatz gsi.
Nach Aagabe vo Augezüüge isch Rauch useme Faischter cho, wo d Füürwehr geschter am Abe aagrückt isch. Öppe um Halbinüni sind d Füürwehrfahrzüüg über d Bahnhofstrass Richtig Freistrass gfahre. Aawohner hend brichted, dass es en Kurzschluss binere Abwäschmaschine geh het. Es het im Quartir nach verbrönntem Gummi und Plastik gschmöckt. De Brand sig schnell glöscht gsi und wi d Kantonspolizei innere Mediemitteilig schriibd, sigs ganze Huus durch de Rauch nüm bewohnbar.