In de Mediekonferenz vom Donnschtig, 16. April 2020 hed de Bundesrat erchlärt, wie er die Massnahme vom Lockdown will retour fahre. Für s Jubiläumsfäscht sind die Neuigkeite ned guet.
S Werweisse, ob’s Fäscht zu de 975 Johr Wettige cha stattfinde oder ned, hät i de letschte Wochene veel Lüt beschäftiged. D Info vom OK, mit em Entscheid no ab z warte, hed i de soziale Medie ned numme für Freud gsorged. Einigi Lüt händ de Entscheid als mutlos kritisiert.
Bi de hütige Mediekonferenz hed de Bundesrot kein Usblick welle wage, ab wenn Grossveranstaltige möglich werde sii. Scho das spricht eher gege es Jubiläumsfäscht im 2020, wils s so kei Planungssicherheit ged. Glichzig hed de Bundesrot aber erwähnt, dass z.B. in Dütschland bis Ändi August kei Grossveranstaltige werded stattfinde. Das hätti er wohl ned erwähnt, wenn er mit ere substantielle, früehre Erlaubnis würd rächne……