Iibruch in Bijouterie

In de Nacht uf hüt, Sunntig, 29. März 2020 hend Unbekannti zwöi Schiibe vo de Bijouterie Loosli a de Landstross iigschlage. D Kantonspolizei suecht Züüge.
En Aawohner hat kurz ab de Föifi am Morge de Polizeinotruef alarmiert, so schriibd d Kantonspolizei (Kapo) in ere Mediemitteilig, wil er zwöi unbekannti Persone beobachtet het, wi si zwöi Schaufaischter vonere Bijouterie a de Landstross iigschlage hend. Mehreri Polizeipatrouille hend umgehend d Fahndig ufgno, sind aber bis zum Morge ohni Erfolg blibe.
De Züüge het d Täterschaft uf Velo Richtig Zentralstross gseh flüchte. Es dörft sich um zwöi Persone handle, wo öppe 170 bis 180 cm gross si gsi, dunkli Hose und dunkli Kapuzepulli aa gha hend. S Tatwerkzüüg isch no unbekannt. D Iibrächer hend mehreri Uhre und Fingerring entwendet und d Deliktsumme dörfd bi mehrere zähtuusig Franke lige. Zudem hets en grosse Sachschade geh.
Di mobil Polizei vo de Kapo Aarau z Schafise (Tel. 062 886 88 88) het Ermittlige iigleitet und bitted um sachdienlichi Hiweise, um d Striftat chönne z kläre.