En E-Biker, wo sich am Fuess verletzt het, isch vo de alarmierte Rega-Crew mit ere Rettigswinde us unwegsamem Gländ gfloge worde.
Am Donnschtig, 12. März 2020 isch D REGA gege di Sächsi am Abe 18 vo de Sanitätsnotruefzentrale 144 alarmiert worde, dass en E-Biker sich bieme Sturz uf de Lägere verletzt het. Di Iisatzchräft vom Rettigsdienscht Ännetwettige hend de verletzt Maa zwar z Fuess chönne erreiche und versorge, aber ned chönne berge. Us dem Grund hend si d Unterstützig vo de REGA aagfordered, um ihn mitere Winde us em Gländ z rette.
Unterwägs vo Dübedorf uf Wettige het d Crew no en Rettigsspezialist Helikopter (RSH) vo de Bruefsfüürwehr Züri mitgnoh.
De Heli het dann schwebend über d Unfallstell d Winde mit em RSH abeglah wo der de Verletzt gsichered und sitzend mit de Winde ufegnoh het. Bi de iibrächende Dunkelheit und dezue im Wald isch en settige Iisatz e bsunderi Useforderig, wil d Distanze für d Crew vil schlächter iischätze sind.
Nachere Zwüschelandig uf em Sportplatz Scharte isch de Verletzt in de Heli umglade und s nächschti geigned Spital gfloge worde.