Unfall uf de Landstross

Am Donnschtig, 27. Februar 2020 am Namittag hets uf de Landstross en Unfall geh, a dem drü Auto beteilige si gsi. De Sachschade ligd bi öppe 18’000.- Franke.

En Automobilist sig uf de Landstross z Wettige gfahre, schriibd d Kantonspolizei inere Mediemitteilig. De 24-jährig Schwiizer, wo vo Richtig Würelos her cho isch, isch um Viertelvordrü am Namittag mit sim Opel eme Kia, wo gschtande isch, ins Heck gfahre. De Ufprall isch so heftig gsi, dass de Kia ins Heck vom Fiat, wo vorne dra gschtande isch, gschobe worde isch. Verletzt worde isch niemed.

Zur Abklärig vom Verdacht uf Führe vomene Fahrzüg unter Droge- oder Medikamenteniifluss het d Kantonspolizei im Uftrag vo de zueständige Staatsawaltschaft e Bluet- und Urinuntersuechig aagordned. Zudem het si em Opel-Lenker de Führeruswis vorläufig abgnoh.