I de Schwiiz esch de erscht Coronafall im Tessin bestätiged und scho gids die erschte Panikkäuf. Im Tägipark send einigi Gstell scho fascht leer gruumed.
S grösschti Problem vo Panik esch, dass sie sech usbreited, gliich ob sie berechtiged esch oder ned. Guet beobachte cha me das zur Ziit bem Coronavirus. Nach de Notmassnahme i de Lombardei, wo d Regiirig ganzi Dörfer abgschperrt het und em erschte bestätigte Coronafall i de Schwiiz, reagiered die erschte mit Hamsterchäuf. Mir hend Föteli us em Coop im Tägipark, Brecht us em Spar und vo de Migros. Desinfektionsmittel und Gsichtsmaske send schiins usverchaufd, de Umsatz vo Wasser, Büchse und Teigwaren esch dütlich gschtige und s eint oder ander Gstell esch dütlich leerer wie normal. Z befürchte esch, dass die leere Gstell dezue animiered, die letschte Reschte wos vo dene Produkt no hed, au no z hamschtere, was dann tatsächlich zu Lieferengpäss chönnti führe….