Während s Herreteam vo Rotwiis uf em europäische Parket vo de zwöit in die dritt Liga abgschtige isch, hend d Dame d EuroHockey Indoor Trophy erefolgriich abgschlosse. Noi isch s Team wider in de Königsklasse!
D Dame vom HC Rotwiiss Wettige hend als Verträter vo de Schwiiz z Siauliai (Litaue) bi de EuroHockey Indoor Trophy mitgschpild, de zwöithöchscht europäische Liga. In de Gruppephase hend di Rotwiisse gege d Teams us Italie, Kroatie und de Türkei gunne und hend als Gruppeerschte im Pool um de Ufstiig chönne spile. Da hets dann z erscht e chnappi Niderlag gege d Waterloo Ducks us Belgie geh. So isch es bim letschte Match, am Sonntig, 23. Februar 2020 gege Slavia Prag um de Ufstig gange. Ineme spannende Spiel hend d Dame mit eme 4-1-Sieg s Ziil vom Widerufstieg in di höchscht Liga gschaffd.
Härzliche Glückwunsch!