Die meischte Wettiger dörfted sie scho im Briefchaschte ha, die provisorisch Stüürrächnig für 2020. Sie esch für en Stüürfuess vo 100 % usgschtelld, das esch aber kein Grund zum Verschrecke.
De Stüürfuess esch no ned feschtgleid worde, aber d Stüürrächnige werded wie immer im Februar verschickt. Aber mit wellem Stüürfuess? D Gmeind teild mit, dass alli Rächnigsbeträg ufeme Stüürfuess vo 100 % basiered. Das legd au do dra, dass de ganzi Prozess vom Versand vo de Rächnige scho im Dezember 2019 ufgleised worde esch. Bem Versand vo de definitive Stüürrächnig für 2020 wird de Betrag dann entsprechend dem Stüürfuess usgwise, wo de Regierigsrat werd feschtlege.
Spannend wär au zwüsse, wer ufgrund vo de muetmassliche Summe vo de Stüürrächnig grad gmerkt het, dass sie sech uf de 100%ige Stüürfuess bezieht.