De Marcel Käufeler isch mit em Team Bärn Zähringe Schwiizermeischter

Z Thun isch am Samschtig, 15. Februar 2020 de Final vo de Curler um d Schwiizermeischterschaft gsi. Ineme spannende Spiel het sich s Team vom Wettiger Marcel Käufeler duregsetzt.

Fascht 2 3/4 Stunde isch es gange, bis klar gsi isch, wer hüt als Schwiizermeischter vom Iisfäld goht.

Nacheme Stand vo 2:2 hend sich d Bärner im 7 und 8 End e chli vom Gägner us Gämf amsetzt und sind 4:2 in Füehrig gange. De 4:3 Aaschluss im 9 End het dann aber nümm glanged, um s Schlussresulat uf di eiged Site la z kippe. Wenns au uuhuerechnapp gsi isch, hets im 10 End bim letschte Stei chapped: s Team Bern Zähringe SECURITAS Direct / Schwaller Yannick het mit 5:3 gege Genève / De Cruz Peter d Goldmedaille bi de Schwiizermeischterschaft gunne.