Sit geschter laufed im Tägi d Match vom Hallemasters. Hüt, Sunntig, 9. Februar spiled d Dame und d Herre im Final um de Titel!
En souveräne Uftritt hend d Dame vo Rotwyss geschter im Halbfinal gege Basel gha. Bim 10-0 het 4x d Tamara Trösch und je einisch d Raffaela Triebold, d Sofie Stomps, d Stephanie Wälti, d Clara Kretschmar, d Sabrina Solomons-Maillard und d Elena Trösch troffe. Hüt um Halbizwöi gohts gege de Lozärner SC um de Titel.
Bi de Herre isch de Halbifinalmatch ned ganz ribigslos gloffe. S Team het in de eigede Reihe vili Fehler gmachd und so isch d Vorstellig ned sehr souverän gsi, aber zum Svhluss hets für en 6-4-Sieg gege de HC Olte glanged. Hüt um Halbivieri am Namittag gohts gege de Lozärner SC drum, de Titel vom Vorjohr z verteidige.
D Sportlerinne und Sportler vo Rotwyss würded sich über vil Support hüt im Tägi froie.