D Dame und Herre sind am Sonntig, 9. Februar 2020, Schwiizermeischter im heimische Tägi worde. Beidi Teams hend de Lozärner SC als Gegner gha.
Um Halbizwöi isch de Finalmatch vo de Dame gsi. Rotwiiss het miteme klare 8-0 de LSC vom Platz gfägd und isch mit ere überzügende Leischitg e Titel chönne verteidige. Au de Herre isch es glunge, de Titel in Wettige z bhalte. Mit eme 5-3 isch de Sieg weniger souverän usgfalle, was aber de Froid bi de RWW-Familie kei Abbruch do het.
Au wenn de Verein durch di viele Titel erfolgsverwöhnt isch, wüssed d Sportlerinne und Sportler doch, dass es bi jedem Match vo noiem druf aachunnd, d Leischtigsfähigkeit au abzrüefe. Und so isch d Froid au nach em xte Titel immer no gross.
Härzliche Glückwunsch!