S Budget und de Stüürfuess muess jedes Johr vors Volk. I dem Johr esch es umschtritte gsi wie scho lang nümm.
Mit Spannig händ veeli ufs Ergäbnis vo de Budgetabstimmig gwarted. Unterstützt de Souverän d Vorlag vo de Gmeind- und Iiwohnerrot? Oder geds en Ablehnig, wil de eine z veel, dä andere z wenig gschpart worden esch. Politisch esch d Verteilig vo Pro und Contra eidütig gsi. Au die linki Rotssiite hed die Chürzige akzeptierd, damit d Gmeind handligsfähig bliibd. Vo SP/Wettigrüen über EVP/Forum 5430, CVP, FDP und Teil vo de glp esch s Budget unterstützt worde, degäge gsi esch d SVP und en Grüenlibrale. Au d Läserbrief und d Diskussionsbiiträg i de (a-)soziale Medie sind entsprächend gsi: Einigi Befürworter und einigi vehementi Gägner, wo sich dodefür uf allne Kanäl gäge s Budget gschtellt händ. Entschide het sich s Stimmvolk für d Ablehnig vom Budget und zwar so dütlich, dass me vomene politische Erdbäbe muess rede. Bi ere Stimmbeteiligung vo 50.3 % hend 1691 fürs Budget und Stüürfuesserhöchig gschtumme, 4584 degege. De Ball ligd jetzt bim Regiirigsrot.