En Wettiger isch bi de Curling-Meischterschaft z Thun mit am Start

De Marcel Käufeler (Foti: Anil Mungal)

Sit vilne Johr isch de Marcel Käufeler en erfolgriiche Curler. Mit em Team Bern Zähringer wot e im 2022 a de Olympische Winterspil z Peking teilneh. En wichtige Schritt wär d Qualifikation für d Wältmeischterschaft.
Hüt started d Schwiizer Meischterschaft im Curling z Thun. Für de Marcel Käufeler und sis Team Bern Zähringer SECURITAS Direct / Schwaller Yannick gohts um vil. S erklärti Ziel vom Team isch d Qualifikation für di olympische Winterspil im 2022. Um sich dodefür z qualifiziere, bruchds vili Pünkt, vo dene es durch d Qualifikation zu de Wältmeischterschaft einige z hole gäb. Und für d Wältmeischterschaft cha me sich ebe miteme Sieg vo de Schwiizermeischterschaft qualifiziere, wo vom 9. bis zum 15. Februar 2020 z Thun stattfind.
Hüt am Abig um Achti started di erschti Runde, bi dere de Marcel und sis Team uf Rink D gege Lausanne Qlympique 1 / Klossner Jan aatritt. Es sind jede Tag Match, teilwiis au zwöi. Am Sonnschtig started dann di 2. Rundi und am Samstag sind d Final.