Gege di politische Ambitione vom Schuelleiter regd sich Widerstand

De Marco Hardmeier, SP-Grossrat und Alt Grossratspräsident esch Schuelleiter vom Wettiger Schuelchreis Zehntehof. Jetzt wot er i de Regiirigsrat, was in sinere Partei aber ned allne gfalld.
Am 18. Oktober 2020 wird im Kanton Aargau de Grossi Rat und de Regierigsrat neu gwählt. Mit de Aakündigung vom Urs Hofmann (SP), nüm z kandidiere, esch klar, dass d Aargauer Regierig ab em 2021 anderscht wird zammegsetzt si. De erschti vo de SP, wo sin Huet i de Ring grührd het, isch de Schuelleiter vom Zehntehof, de Marco Hardmeier. Dodemit het er aber in es Wäspinest gstoche, jedefalls gsehnd das d SP-Fraue eso. Dass im Momänt nämli numme Manner im Regierigsrot sind, das wend si ändere und schriibed inere Mediemitteilig, dass i de neu Legislatur mindest zwöi Frau i de Regiirig müend verträte si und das verstönd si au als Ufgab vo de SP Aargau. D SP Frau betoned, dass d SP gnueg Frau hät, wo für das Amt geigned siged.