Klarinettechor in conzert

Startet Sie s neue Johr mit eme Lächle ond eme Bsuech vo de Konzert vom Klarinettechor Wettige. Mit em Programmtitel «Smile» beschwört das ussergwöhnliche Orcheschter us chliinschte bis hii zu riesige Klarinette d Häxe ond Zauberer vom Bart Piqueur und sogar de Beelzebueb vom Andrea Catozzi ufe.
35 Klarinettischtinne ond Klarinettischte verzelled d Gschicht vom Timmy ond sim Tömbler ond zeiged, wie urkomisch s Zämespiel mit ere ächte Djembetrommle chan töne. De Max ond de Moritz wetzed ebeso wie die luschtig Wittwe vom Franz Lehar dur de Konzertsaal. Mit sim unverwächselbare Klang zauberet de Klarinettechor Wettige sim Publikum au das Johr weder es zfriednigs Lächle ufs Gsicht.
Meh Informatione gits uf www.klarinettenchor.ch
Freued Sie sich…Cheese! 
Aula Schuelhus Margeläcker Wettige
Samschtig, 18. Januar 2020, 20:00 Uhr
Sonntig, 19. Januar 2020, 17:00 Uhr
Chile Heilig Geist Züri-Höngg
Sonntig, 26. Januar 2020, 17:00 Uhr
Iitritt frei – Kollekte