Wettige hed sin Landamme gfiired

Zom erschte Mol esch en Wettiger Landamme. De Markus Dieth esch geschter gross gfiired worde.

De alt Gmeindamme, wo sit drü Johr Regierigsrot esch, hed i letschtere Funktion im 2020 s Amt vom Landamme inne. De Markus Dieth leitet also i dem Johr d Sitzige vom Regierigsrat und repräsentiert Ihn gege use. D Wettigerinne und d Wettiger wüssed, dass er das gärn macht, gärn fäschted, sich gärn unters Volk misscht.

So hets geschter au es grosses Fäscht für alli gäh, bevor sich die Meh-Bessere zum Bankett i de Leueschüür troffe händ.

Öppe 500 Lüt sind id Turnhalle vo de BEZ cho und zum Glück hets ned gregnet. So hed me kei Chessel müesse uf stelle und s bliibt es Gheimnis, ob si orange oder blau, gelb und rot gsi wäre….=;O)

Gfiired worde esch mit Tambure, de Musikgsellschaft Harmonie Wettige-Chloschter, Treichler, em Abt vo Wettige, em Landamme vo Davos, alt Bundesrätin Doris Leuthard und Lüt wie mer alli, gschätzi Läserinne und Läser. Nebe Aasproche und klingende Gläser hets au wäheschafts geh: D Chuchimanne hend e Rüebli- und e Bündner Gerstesuppe choched gha.

Wettige hed weder dütlich gmachd: Me weiss, wie me duet fäschte….!