Zwöimol Totalschade bi eim Unfall

Wi d Kantonspolizei melded, isch es i de Nacht vom 25. uf de 26. Dezember 2019 zueme Unfall bi de Furttalchrüzig cho. Zwöi Auto hend en Totalschade.
De Unfall isch gege Mitternach am 25. Dezember passierd. En 19-jährige het vo Wettige her am Liechtsignal aaghalte, wil für Rächtsabbieger rot gsi isch. Wo es grüen worde isch, het er so fescht beschlüniged, dass er i de Kurve d Herrschaft über sin BMW 120 verlore het und er quer über d Fahrbahn gschlüdered isch. Er isch heftig uf en BMW pralld, wo korrekt entgegecho isch.
De Unfallverursacher, sin Bifahrer und au de entgegenkommendi BMW-Fahrer, wo ebefalls 19-jährig isch, sind unverletzt blibe. Di beide Fahrzüüg hend en Totalschade erlitte. D Kapo het em Unfallverursacher de Fahruswiis uf Prob abgnoh und het de Unfallwage für witeri Ermittlige sicher gstelld.