Am 22. Dezember sind d Sternsinger z Wettige

Au im Johr 2019 send d Wettiger Sternsinger weder unterwegs. Am Sonntig au bi ois.

Scho am letschte Sonntig, 15. Dezember 2019 hend d Sternsinger di erschte Ufführige gha. De ersti Uftritt esch in Turgi i de guet bsetzte Chele gsi, de zwoiti id de Chele Fislisbach.  De Abschluss vom erste Sternsinger-Sonntig esch denn en Usseuftritt z Ähredinge gsi, be de Chele be guetem, ned allzu chaltem Wetter.

Am kommende Sonntig, de 22. Dezember send Sternsinger in Wettige aaztreffe:

– 16.30 Uhr Kath. Kirche St. Anton, Wettingen

– 17.30 Uhr Ref. Kirche Wettingen (Freiliechtufführig)

– 19.00 Uhr Kath. Kirche St. Sebastian, Wettingen

Das Johr esch s Esemble mit em Stück von Fritz Senft unterwegs, das esch s dritte Sternsingerspiel wo vor 40 Johr d Uruffüehrig gha hed.

Mer wünsched Euch bem Bsuech veel Vergnüge.