D Rebbuure sind am Herbschte

Für d Winzer isch es di schönscht Ziit im Johr. D Truube werded gernted, d Oechsle gmesse und d Truube abpressd.

Bim Herbschte, wi me em Truube abhaue z Wettige said, isch immer scho d Vorfroid uf de noi Jahrgang z gschpüre. Und de Zuckerghalt, wo in Oechsle gmesse wird, laht uf en guete Wy hoffe. Alli Produzente sind zur Ziit am Läse.

D Produzente vo de WyStärn AG, wo mit de Noigründig de Produktionsprozess aapassd hend, sind zum Wäge und Oechsle messe ins Forhölzli. Aschlüssend sind d Truube uf Aahänger verlade worde und mit eme Traktor uf Würelinge brochd worde. Dete laufed dann di witere Verarbeitigsschritt.