Ab em 1. Januar 2020 wird d Pfläg vo de gemeindeeigene
Rebe vo de Chloschtergärtnerei Wettige übernoh. S Trotte, de Usbau und d Lagerig übernimmt d Wykellerei Wetzel.
De Christian Steimer bietet in Zuekunft vermuetlech als einzige Wettiger Wy, bi dem alli Produktionsschritt z Wettige erfolged. Wi d Gmeind inere Mediemitteilig schriibd, werded in Zuekunft d Rebe zwar vom Wettiger Beni Egloff pflägd, aber alli witere Schritt nach em Herbschte (Trübel abhaue) werded vom Jürg Wetzel und sinere Wetzel Wybau GmbH übernoh.
Entschide vo wem di Hektare Rebland sell bearbeite und de Ertrag verarbeite werde, het de Gmeindrot ufgrund vonere Usschriibig z Wettige und i de nöchere Region entschide.
Uf de acht Parzelle a viir Standört wachsed d Rebsorte Riesling x Silvaner, Cabernet Dorsa und i de
Hauptsach Blauburgunder.