Mitti Juni 2019 sind die beide Rothuusuhre mit de Zifferblätter abmontierd worde. Die 8 Woche, wo für d Revision aakünd worde sind, sind längscht verbi.
Während im Iiwohnerot bim Entscheid über d Revision vo de Rothuusuhre d Frag uftauchd esch, obs die überhaupt bruuchi, zeiged d Froge, wo immer wieder bi eus landed, dass d Uhre durchus Beachtig finded. Scho Mitti Auguscht, also nach öppe 10 Woche hend mir eus bi de Gmeind erkundiged und es het gheisse, es gäb Verzögerige. In de Zwischezit sind es 14 Woche, wo d Uhre fehled.
Mir blibed am Ball und versueched usezfinde, wann si retour chömmed…