Dass d Finanze für Wettige en Useforderig sind, isch scho länger offesichtlich. Vor allem di höche Investitione und di gebundene Usgabe hends in sich. De Gmeindrot wot jetzt di aakünd Stüürerhöchig vorzihe und scho 2020 umsetze.
Mit em Aatrag a de Iiwohnerrot uf en Erhöchig vo de Stüüre uf 100% wagt de Gmeindrot, e psychologischi Schallmuur z durchbreche. Ob de Rot und danach s Stimmvolk em Aatrag wird folge, bliibd abzwarte. D Begründig vom Gmeindrot isch aber nochvollziebar.
Nebe de Finanziirig isch au de Schuldeabbau z geährleischte. D Gmeind het dodezue es mehrstufigs Programm iigleitet, wo – so schriibd de Gmeindrot inere Mediemitteilig – uf verschidnige Pfiler basiird.
1. Verfeinerti Budgetiirigs-, Finanzplanigs- und Controllingprozess, mit dene me d Kostenentwicklig
effektiver cha stüüre.
2. Massnahme zur Senkig vo de Verwaltigschoschte. Bisher sind 2 Millione Franke pro Johr nochhaltig iigschpart worde. Im Vergliich mit de Nachbargmeinde het Wettige unterdurchschnittlichi Verwaltigschoschte pro Kopf.
3. Proaktivi Planig (Landstross, Bahnhof,…), um Wachstumspro-
zess (für Gwerb und Bevölkerig) z ermögliche.
4. Nochhaltigi Finanzierig vom bauliche Unterhalt, um Folgechoschte z vermiide.
5. Generierig vo Überschüss für en sukzessive Abbau vo de Schuldelascht.
Der Prozess für s Budget 2020 und de Finanzplan hend dütlich gmachd, dass unerwarteti und ned beiflussbari Mehrchoschte in vo 2.5 Mio. Franke und en sichtbare Nochholbe-
darf bim Personal d Stüürfuesserhöchig scho 2020 notwendig ma-
ched.
D Gmeinderat wot mit de 2.5 Mio. Franke zusätzlichem Gäld zum eine di höchere Usgabe finanziire, d Qualität bi de Personalressource sichere und de langfristig Schuldeabbau aagoh. .
Mir sind gschpannd uf d Chürzigsaaträg vo de Finanzkommission und de Budgetdebatte im Iiwohnerrot.