Am Fritig, 23. August 2019 isch di erscht Wahlkampfveraastaltig vo de EVP Wettige-Limmattal. Nebe de Spitzenkandidatin Lilian Studer und zwöi witere Wettiger Kandidate wird au de Zürcher EVP-Nationalrot Nik Gugger derbi si.
«Die Welt ist EINE» isch de Titel vo de Veraastaltig, wo am Fritig, 23. August 2019 um Halbiachti am Abe z Wettige im Rothuussaal wird stattfinde. Es isch en Informations- und Diskussionsveraastaltig, bi dere d Moderatorin Marie Louise Reinert di Aawesende bi de Suechi nach Lösige mit iibezihe wird.
Es kurzes Referat vo de EVP-Spitzekandidatin für de Nationalrat, de Lilian Studer, wird de Klimanotstand, d Energiewendi und intelligenti Verchersfüehrig zum Thema ha und de Zürcher EVP-Nationalrot Nik Gugger wird über d Gletscher- und Trinkwasserinitiative brichte, wo im Bundeshuus für Diskussione sorge.
Kürzeri Inputs gits vo zwöi witere Wettiger, wo uf de Hauptlischte vo de EVP für de Nationalrot kandidiire: De Lutz Fischer-Lamprecht fröged, on d E-Mobilität, Windparks und d Flugverkehrsabgab eifachi Lösige für komplexi Useforderige siged und d Helen Suter red zum Thema «Grosse Kreise beginnen in einem kleinen Punkt».
Im Aaschluss do dra isch Ziit für Frage und Diskussione und aaschlüssend lad d EVP-Regionalpartei Wettige-Limmattal alls Aawesende zueme Apéro ii.