E Wettigeri uf em Wäg nach obe

D Chelsea Fontenel isch es Tennis-Talent und het höchi Ziel. Di 15-jährig, wo grad ihre Schuelabschluss gmachd het, goht für 3 Johr uf Florida in d Tennis-Academy vom Nick Bollettieri.

Schpöteschtens sit de Sportlerehrig z Wettige isch d Chelsea Fontenel au dene Teilnehmende en Begriff, wo ihre Fokus ned bim Tennis hend. Si isch nämli ned numme für ihri sportliche Leischtige geehrt worde, sondern het au als Sängerin glänzd. Jetzt wot die jungi Wettigeri uf em internationale Parkett glänze. Si wird für drü Johr i de Tennis-Academy vom Nick Bollettieri z Tampa i Florida trainiere und wot damit witer fürre cho. I ihre Alterkategorii isch si wältwit uf Platz 19 und i de Schwiiz uf Platz 40 vo de Fraue. Um ihri Platziirig z verbessere, wird si i Zuekunft meh Turniir müesse spile. S Gäld dodefür sell au durch es Crowdfunding zämme cho. We ihr also en ambitioniirti Wettiger Tennisspieleri uf ihrem Wäg nach obe wend unterstütze, dann lueged do vorbi: https://www.ibelieveinyou.ch/ibiy-ch/src/#!/projectdetail/22709/road-to-the-top-tennistalent-chelsea-fontenel

Hiir no de direkt Link zum Video fürs Crowdfunding: