Lokiführer und Zugbegleiter protestiire und gedenke

De Tod vom Bruno R., wo am Sunntig zwüsche Bade und Noiehof tödlich veruufalld isch, schockt d SBB-Aagstellte. Für si gohts au um d Sicherheit.

D Aagstellte vo de SBB, wo hüt, Fritig, 9. Auguscht 2019 um Eis am Mittag z Züri zämme cho sind, wend, dass ihr Protescht bis uf Bärn z verneh isch, so het es ois en Lokiführer gsaid. Mit Pfiffe und Horn hend si im Hauptbahnhof en rise Lärme gmachd und danach mit ere Schweigeminute a de Bruno R. denkd. Er isch am Sunntig, 4. Auguscht ums Läbe cho, wil er als Zugbegleiter i de Türe vom föifte Wage vom IR, wo um 0.08 Uhr vo Bade uf Züri fahrt, iiklemmt worde und muetmasslich z Tod gschleift worde isch. Sin Lichnam isch zwüschem Bahnhof Wettige und de Iisebahnbrugg uf Noiehof gfunde worde.

Vom Protescht im HB hend mir es Video vom Wettiger Lokiführer Pädu Gafner übecho: