Bilder vo Tankstelleräuber veröffentlichd

Di beide Räuber, wo am 16. Juli z Wettige d Coop-Tankstell überfalle hend, sind no ned identifiziird worde. Jetzt gits Föteli und e Belohnig.

Wil d Täter vom letschte Tankstelle-Überfall no ned gfunde sind, het d Kantonspolizei Föteli veröffentlichd, wo d Überwachigskamera vo de Täter gmachd het. Zudem gits e Belohnig vo 500.- Franke für Hiwiis, wo zur Ermittlig vo de Täter führt.

Di beide sind öppe 20- bis 25-jährig. Eine het en uffälligi Jacke vom American Football-Team «San Francisco 49ers» a gha und s Gäld hend si ineme Papiirsack mit em Logo vo de Modemarke «Marco O’Polo» mitgnoh. Beidi si mit Messer bewaffned gsi.

D Kantonspolizei z Bade bittet um Hiwiis unter Telefon 056 200 11 11.