Wer de 1. Auguscht 2019 z Wettige möchti fiire, hed das Johr einiges an Uuswahl. Nebe de eigene Party i siim Garte oder unterwegs med Fründe be Fründe…
De Klassiker isch die offizielle 1.-Auguscht-Fiir vo de Gmeind uf em Areal vo de BEZ Wettige. D Ahsprach das Johr hed d Grossratspräsidenti, d Renata Siegrist Bachmann. S Blasorchester Bade-Wettige spielt dezue und wie immer esch s gratis Risotto Esse. Los gohts um Halbielfi am Vormittag bis öppe um Viiri am Namittag.
En Altenative bietet zum erschte Mol d LägereBräu aah.
Feierei_in_der_Brauerei startet ab 14.00 Uhr und god bis ca. 22.00Uhr, Itritt’s-choste: 25.00 CHF. Meh Informatione bechömed Ihr be de LägereBräu vor Ort oder uf de Huus-Siite:
https://laegerebraeu.ch/veranstaltungen.html
E witteri Alternative findet Ihr im Maislabyrinth. Det wird zum grosse Barbecue glade, Choste für Chend, 20.00 CHF, 35.00 CHF für die Erwachsene. Laufe duet de ganzi Tag dure öppis, ab 15.00 Uhr startet s grossi Lagerfüür, ab de Feufi denn s Barbecue.
Au do findet Ihr meh Info’s uf de Huus-Siite
https://www.maislabyrinth-wettingen.ch/programm/