D Serie vo Überfall uf Tankstelleshops rissd ned ab. Diesmol het es d Coop-Tankstell bim Baschnagel troffe.
Hüt, Zischtig, 16. Juli 2019 isch z Wettige wieder en Tankstelleshop überfalle worde. D Polizei isch schwer bewaffned vor Ort gsi, wie en Augezüüge brichted het. Au uf de Zuefahrt zur Autobahn sind d Auto kontrolliert worde.
Zum Täter liegd no kei Beschriibig vor. Wenn d Kantonspolizei en Züügeufruef veröffentlichd, werded mir si lifere.