Erdbeeri us em Hoflade

Sit geschter, Mittwoch, 22. Mai 2019 gits bi Lüschers wider Erdbeeri im Hoflade. Bis me cha selber günne gohts no e chli.
S Warte uf di erschte heimische Erdbeeri isch ned immer eifach. Wi de Lüscherhof uf sinere Homepage mitteild, gites sit em Mentig Erdbeeri. Zerscht het sis im Selbstbedienigsruum geh, sit geschter im Hoflade. Dodemit müessted sit geschter au d Öffnigsziite vo de Erdbeersaison gält, es müesst also täglich vom Halbinüni am Morge bis um Sächsi am Abe (vo Mentig bis Fritig bis um Halbisibni) offe si (ohni Gwähr).