Ab morn het Wettige en noie Grossrat

In de letschte Sitzig vom Grosse Rat het de Wettiger Grossrat Daniel Frautschi sin Rücktritt erklärt. Es folgt de Daniel Notter, wo morn z Aarau in Pflicht gnoh wird.
Ob de ei Daniel streng gnoh würkli de Nochfolger vom andere Daniel isch, hend mir gar ned versuechd usezfine. Es isch nämli en doppelte Rücktritt, wo em Bezirk Bade zwöi nöii SVP-Grossrät beschert. De Martin Keller und de Daniel Frautschi sind zruckträte, de Roger Fessler vo Mellige und de Daniel Notter rütschet noche.
De Daniel Notter ghört z Wettige zu de bekanntere Politker, isch er doch im Kampf gäge s 80-Million-Tägi Präsident vo de IG gsi, wo s Projäkt massgeblich bekämpft het, sit em 2015 Iiwohnerrot und im 2017 Gmeindratskandidat gsi.