D REGA het geschter e Wanderi grettet

Vo Wettige us het me geschter en Heli binere Rettig z Noiehof chönne beobachte. D REGA het hüt am Morge mitteild, das es e Wanderi gsi isch, wo i unwegsamem Gländ gschtürzt isch und sich verletzt gha het.
Öppe um 4i am Namittag isch bi de Iisatzzentrale vo de REGA iigange. D Sanitätsnotrufzentrale vom Kanton Aargau (Tel. 144) het en Helikopter aagfordered, um e verletzti Wanderi mit de Rettigswinde z berge. D Frau isch ufeme Wanderwäg in unwegsamem Gländ gschtürzt gsi und het sich am Fuess verletzt gha. De Rettigsdienscht Bade, wo ebefalls im Iisatz gsi isch, het di medizinisch Erschtversorgig übernoh. Will s Gländ sehr schlüfferig gsi isch, het d REGA-Crew vo de Basis Züri di Verletzti mitere Winde us em Wald ufezoge und ich dann ufeme Sportplart glanded, um di Frau in de Heli umzlade. D REGA het si dann ins nächschtglägene Spital brochd.