Mit em Abgang vo de Bernadette Flükiger, wo s St. Bernhard sit em 2012 gleitet het, isch d Gschäftsleitig numme interimistisch bsetzt gsi. In ere Mediemitteilig het d St. Bernhard AG jetzt bekannt geh, dass de noie Gschäftsleiter uf de 1. Augschte 2019 sini noii Stell wird aaträte.
Mit em Rüdiger Niederer us em soledurnische Härkinge het d St. Bernhard AG en Nochfolger für d Bernadette Flükiger gfunde. Er wird Geschäftsleiter vom Alterszentrum St. Bernhard und vo de künftige ALTSTADT, wo im Langäcker im Bau isch. De Niederer isch Betriebsökonom HWV und het zletscht drü Alterszäntre im Gäu gleitet. S St. Bernhard isch ihm durch sini Berotigstätigkeit und d Iiführg vom iQMS-System vertraut. D St. Bernhard AG isch überzoge, dass de Rüdiger Niederer mit sinere unternehmerische Denk- und Handligswis und sinere breite Erfahrig und Kompetenz im Gsundheitswese zuere erfolgriiche Witerentwicklig vom Alterszentrum St Bernhard zu de ALTSTADT wird biiträge.