Geschter, 11. April 2019 isch de Startschuss für d Mess «Baue und Wohne» gfalle. Di 14. Früehligmess zeigd bis am Sunntig di noischte Wohn- und Gartetrends.
Im Vorfäld sind mir gschpannd si, wi d Mess de Iischränkige durch d Saniirig vom Tägi würd begegne. Mir em Zügle und de Vergrösserig vo de zwei Zält, wo schuscht uf de Iisfälder plaziird sind, isch es de Messeveraastalter glunge, öppe 250 Ussteller uf em Gländ unterzbringe. Für d Bsuecherinne und Bsuecher gits also uf jede Fall gnueg zum Luege.
Hpt, Fritig, 12. April isch d Mess vom Eis am Namittag bis um Achti am Abig offe und am Samschtig und Sunntig vom Zähni am Morge bis um Sächsi am Abig. Für Erwachseni choscht de Iitritt 10 Stutz. Chind bis 16 sind in Begelitig vomene Erwachsene gratis.