D Swisscom modernisiird s Kabelnetz

Sit einige Woche wird an vilne Stelle z Wettige d Stross ufgrisse und es werded über Schächt im Bode Kabel iizoge. D Swisscom laht Glasfaserkabel la verlege.
Chlini Bagger und Arbeiter vo de Baufirma Enemag AG sind zur Ziit z Wettige fascht allgegewärtig. Unterm Terrain ligendi Schächt werded göffned und teilwiis so umbaud, dass de Zuegang zu de Schächt in Zuekunft eifacher mögli isch. Zudem werded Kabel iizoge.
Oisi Aafrog bi de Gmeind, was da genau gmachd wird, het ergeh, dass d Enemag im Uftrag vo de Swisscom Glasfaserkabel verlaid. Scho im 2015 hets en Pilotversuech im Bereich Märzegass/Aeschstross geh und jetzt wir dim 2019 de Rescht vo Wettige erschlosse. D Glasfaserbestückig erfolgd übers bestehend Kabelkanalnetz vo de Swisscom. Us dem Grund sind numme einzelni Grabarbeite notwendig.