S Wettiger Lokalkommitee zur Konzernverantwortigsinitiative (Kovi) organisiird hüt, Fritig, 22. März 2019 am Abe um Virtelabachti en Infoaalass.
Irgendwann im 2020 chunnd d Konzernverantwortigsinitiative vors Stimmvolk. Es goht drum, dass Firmen mit Sitz i de Schwiiz au im andere Länder d Mönscherächt und de Umwältschutz müend beachte. Wil es dodebi um handfäschti finanzielle Interesse vo Grosskonzärn goht, isch z erwarte, dass d Initiativgegner im Abstimmigskampf es vilfachs a finanzielle Ressource werde chönne iisetze.
S Abstimmigskommitee setzt au us dem Grund scho jetzt uf solidi Informatione über das, wo im Asie, Südamerika und Afrika täglich vor sich goht und vo ois wenig wahrgnoh wird.
Über d Situation z Afrika cha me sich hüt am Abe informiire. I de Aula vom Schuelhuus Alteburg wird um Virtelabachti de Film «Afrika. Der ausgeraubte Kontinent» zeiged. Im. Aaschluss isch en Ustusch bieme Apéro möglich. De Iitritt isch frei. Es wird e Kollekte iizoge.