D Ostere falld lut Definition uf de erschti Sunntig nachem em erschte Früehligsvollmond. I dem Johr isch si us astronomische Sicht z spot.
Wann faht de Früehlig eigentli aa? Us astronomische Sicht esch das eidütig: de Früehlig faht aa, we d Sunne üf ihrem «Wäg na Norde» de Äquator überschrited. Das esch geschter, 20. März 2019 öppe um 22.59 Uhr gsi. Will hüt am Morge um 2.43 Uhr Vollmond gsi esch, müessd morn Karfritig und am Sunntig d Oschtere si.
Aber so wi d Meteorologe de Früehligsaafang uf de 1. März leged, het au d West-Chile en eigedi Früehligsdefinition. Do esch scho vor vilne Johrhundert de 21. März als Tag vom Früehligsaafang festglegd worde. Dodemit gilt de Vollmond vo hüt am Morge ned als Früehligsvollmond. So e verspoteti Oschtere isch sälte. S letschte Mol hets das im 1962i gä und es wird erst weder 2038 eso si. Au z Wettig eund im Limmattal!