Us Protest gege d EU-Urheberrechtsreform isch di dütschsprochige Wikipedia am Donnschtig, 21. März 2019 für 24 Stunden abgschalte. Aber es git en Alternative!
Vilicht fröged sich jetzt oisi Läserinne und Läser, warum mir über d Abschaltig vo de Wikipedia schribe, isch das doch keis Wettige-spezifischs Thema. Im Prinzip gits für den kurze Artikel drü Gründ:
– Au mir lehned s Leischtigsschutzrächt i dere Form ab, wo ned numme i de EU, sondern au i de Schwiiz sell iigführt werde.
– Bi de 30 Millione Ufrüef, wo di dütschsprochig Wikipedia jede Tag het, sind au vili us Wettiger derbi. Ganz sicher und ganz sicher jede Tag!
– Aber s wichtigschte isch das: D Wettiger Nochrichte sind maximal di zweitgröscht Website, wo uf Schwiizerdütsch gschribe wird. Di gröscht vom Siteumfang und vo de Klicks her isch di schwiizerdütsch reschpektiv alemannisch Wikipdedia. Am 21. März 2019 isch si e möglichi Alternative, we me en gsuechte Inhalt uf de dütschschprochige Wikipedia ned cha ufrüefe. Für Sprochenthusiaschte natürli au spöter no. Lueged doch eifach emol do inne.